Кошаркарите на Фенербахче го совладаа Реал Мадрид со 100:99 по продолженијата во натпреварот од 11. коло на Евролигата. Избраниците на Димитрис Итудис заостануваа цел натпревар, а во последната четвртина влегоа со минус од 14 поени.
Сепак, од тој момент до крајот на регуларниот Фенер направи 23:9 со што заработи продолженија. Скоти Вилбекин погоди тројка на 10 секунди до крајот за да му даде дополнителни пет минути на својот тим.
Во продолжението Реал ја имаше топката во раце и кош предност на седум секунди до крајот. Пресингот на Фенербахче вроди со плод, Дек ја загуби топката, која потоа стигна до Мадар, кој погоди и го постави конечниот резултат на натпреварот.
Во вториот вечерен натпревар Монако на домашен терен беше подобар од Олимпијакос со резултат 85:77.
