Феникс продолжува да доминира во пресметките со Работнички. Тимот на Денис Дервишевиќ дојде до шестата победа во низа против најтрофејниот кошаркарски колектив, го совлада со 79-87.
Кошаркарите на Феникс одиграа добра трета четвртина во која Митревски, Рис, Џонс и Даниел беа лидери во овој дел, а Феникс поведе сп 59-70. Најголемата позитива ја имаше последната четвртина плус 15 (63-78). Работнички врати со серија од 12-0 за 75-78, Џонс даде важен кош, а неговиот тим успеа да ја сочува предноста.
Џонс имаше 20 поени, Рис 15 поени, додека пак Митревски и Даниел по 13 поени кај победникот. Кај Работнички Рикиќ имаше дабл-дабл од 21 поени и 10 скока.
На втората средба, МЗТ Скопје лесно се справи со Вардар, на гостински терен го совлада со 61-96. Петков и Бакович имаа по 13 поени кај победникот, додека кај „црвено-црните“, Бајрам реализираше 17 поени.
Со деветата победа во Првата лига, МЗТ Скопје се зацврсти на лидерското место на табелата.
