И третата трка од Светскиот куп во аплско скијање, која требаше да се одржи викендов во американскиот зимски центар Бивер Крик, беше откажана. Откако лошите временски услови го спречија одржувањето на трките во спуст во петокот и саботата, истото се случи и со супервелеслаломот закажан за денеска.
Силниот ветер и снег ги спречија организаторите да ја подготват патеката за трката. Ова е шесто откажување на трка во Светскиот куп за мажи оваа сезона, со три кои требаше да се одржат во Бивер Крик оваа недела, а претходно беа откажани и велеслаломот во Зелден во октомври поради ветер, а потоа и две спуст трки во Зермат минатиот месец.
