Француската министерка за спорт Амели Уеда-Кастера денеска изјави дека не се размислува за преместување на церемонијата на отворање на Олимписките игри, планирана за Сена во Париз следното лето, и покрај ризикот од терористички напади.
„Немаме план Б, имаме план А во кој има неколку план Б“, изјави таа.
Два дена откако напаѓачот познат по радикален исламизам и психијатриски нарушувања во Париз уби германски турист со нож и повреди уште две лица со чекан, министерката за спорт потсети дека „терористичката закана, особено исламистичката, постои“.
„Но, тоа не е ново и не е специфично за Франција, ниту е специфично за игри“, подвлече министерката, кој додаде дека се прави се за да се минимизира што е можно повеќе со апсолутна внимателност.
Свеченото отворање на Олимписките игри треба да се одржи на Сена, меѓу два познати моста во Париз, а Удеа-Кастера нагласи дека не постои план Б.
„Постојат голем број опции за прилагодување“, објасни таа.
Таа конкретно го спомена бројот на гледачи за време на оваа церемонија, кој ќе биде одреден напролет, а кој може да се промени. Овие прилагодувања ќе се однесуваат и на „бројот на свечености што ќе бидат одобрени во областа и во Париз“ и „управувањето со безбедносните периметри“.
На прашањето дали преместувањето на церемонијата е дел од плановите, таа рече: „Тоа не е хипотеза на која работиме“.
Соочена со загриженост за нападот во саботата вечерта во близина на Ајфеловата кула, Удеа-Кастера потсети дека безбедносните мерки „ќе бидат значително зголемени за време на Олимписките и Параолимписките игри“.
„Нема сомнеж дека церемонијата на отворање ќе биде посебен безбедносен предизвик, но тоа го знаеме уште од првиот ден. Имаме капацитет да го обезбедиме тој настан“, вети француската министерка за спорт
