Тајрис Халибартон го сочува првиот трипл-дабл во кариерата за специјална пригода, првиот плеј-ин турнир. Индијана вечерва го изненади Бостон (122-112) и обезбеди билет за Вегас. Кошаркарот на Пејсерси постигна 26 поени, имаше 13 асистенции и 10 скока. На стотина секунди пред крајот постигна четири поени. Седум играчи од неговиот тим беа двоцифрени, на другата страна Тејтум имаше 32 поени и 12 скока.
Индијана во четврток во Лас Вегас ќе игра против подобриот од вечерашниот меч меѓу Милвоки и Њујорк.
that’s our guy 💯 https://t.co/2JxNNVm1xb
— Indiana Pacers (@Pacers) December 5, 2023
Во полуфиналето се и Пеликанс. Брендон Инграм го распарчи Сакраменто, кој беше поразен на домашен терен со 127-117. Тој броеше до 30, додаде осум скока и шест асистенции. Одлична игра на Џонс, момче од Алабама кој е трета година во лигата. Тој броеше до 23, имаше пет скока и асистенции. Кај Кралевите, Сабонис беше страшен во поразот, Литванецот имаше трипл-дабл, 26 поени, 13 скока, 10 асистенции.
Пеликанс во полуфиналето ќе играат во Вегас против победникот од второто западно четвртфинале помеѓу Лејкерс и Санс.
