Со погодокот на Леон Бејли во 74 минута екипата на Астон Вила го совлада Манчестер Сити со 1:0 во меч од 15.коло на Премиер лигата. Тоа е и прва победа на Астон Вила над „граѓаните“ по септември 2013 година.
Овој момент може и да биде пресуден во трката по титулата во финишот на сезоната. Нестварна статистика на овој меч. Вила е првиот тим со 22 шутеви кон голот на Сити, за споредба момците на Пеп имаа само два!
Астон Вила го презеде третото место на табелата, а шампионот падна место подоле и има два бода помалку од тимот од Бирмингем, односно шест бода помалку од лидерот Арсенал.
За Сити ова е четврти меч без победа. На претходните три ремизираше и сите беа дерби натпревари, со Челзи 4:4, со Ливерпул 1:1, со Тотенхем 3:3.
Астон Вила по 15 кола има 10 победи.
