Селекторот на фудбалската репрезентација на Србија, Драган Стојковиќ-Пикси е на удар на некои поранешни фудбалери кои го прозваа по медиумите, па сега тој се обидува на ист начин да им одговори. Покрај Немања Видиќ , пикси влезе во медиумска пресметка и со Раде Богдановиќ.
На прашањето а ја прокоментира изјавата на Раде Богдановиќ дека има месечна плата од 120.000 евра, Стојковиќ зачудено прашал: „Кој е тој?
Раде Богдановиќ, поранешен играч на Жељезничар, не му остана должен, па преку медиумите се обиде да го потсети Пикси на нивното „пријателство“.
„Бидејќи вели дека не ме познава, ќе му кажам конкретно. Еден месец пред да избега од Србија, дојде во Македонија да поднесе барање за професионална лиценца за да оди во Јапонија да стане тренер по скратена постапка, а јас случајно бев исто така на тој семинар за тренерската струка. И има еден детал што можам да го поврзам во тој момент. Србија е голема, но премала за да организира семинар, па отидоа во Македонија. 6-7 од нив тренери и 3-4 нивни љубовници. Бевме долу кај езерото (Дојран) и тогаш Пикси дојде во хотелот. Се наоѓаше спроти мојата соба. Само што дојде, замина да се истушира. Никој не му кажа дека немаме вода преку ден поради рестрикција. Потоа излегува од собата со пешкир околу половината, пена од шампон на главата, едното око затворено, ме гледа со другото и ме прашува дали има топла вода. Му велам дека немаме топла вода, дека мора да се тушира со ладна. Добро знам дека ме познава. И тогаш доби лиценца по скратена постапка. Затоа мислам дека ме познава“, му одговори Богдановиќ.
