Во последниот натпревар од саботната програма во рамките на 11 коло, Пелистер успеа да го одбрани домашниот терен од незгодниот состав на Кожув совладуваќи го со убедливи 72-61. Гевгеличани жилаво се бореа до средината на последната четвртина која дојдоа на негатива од три коша (61-58), но потоа полека почмнаа да ги испуштаат „конците“.
Битолчани од овој момент направија серија од 11-3 и на крајот славеа убедливо.
Пелистер останува втор на табелата зад МЗТ Скопје со 19 бода и скор од осум победи и три порази, додека пак Кожув засега е деветти со три победи и осум порази.
Планиниќ имаше 14 поени и 11 скока кај победникот каде Маслинко запиша 12 поени. Кај гостите Слатер постигна 24 поени.
