Ентони Марсијал ќе добие дозвола како слободен фудбалер да си замине од Манчестер Јунајтед на крајот на сезоната, овјави „TalkSport“.
28-годишниот играч има опција во договорот да активира дополнителна година до 2025 година, но Јунајтед нема да ја искористи можноста да го задржи Французинот.
Марсијал, кој им се приклучи на „црвените ѓаволи“ во 2015 година од Монако, потпиша продолжување на договорот во 2019 година. Оттогаш, работите за него се влошија толку многу што тој ја мина втората половина од сезоната 2021/22 како позајмен во Севиља. Марсијал минатата сезона забележа девет гола и три асистенции на 29 натпревари, откако беше реинтегриран во тимот, а во текот на оваа сезона е само замена на Расмус Хојлунд.
