Пред два месеци имаше еуфорија во Србија дека Никола Јокиќ, најдобриот кошаркар во НБА, кажал дека ќе игра за својата репрезентација на претстојните ОИ во Париз. Ова јавно го кажа селекторот Светислав Пешиќ.
Но, не ќе е баш така, барем според зборовите на самиот Јокиќ кој на прашање на новинарите дали ќе игра во ОИ или не за Србија, тој одговори:
“Далеку е тоа, ќе видиме. Некои луѓе кажуваат нешто што јас не сум го рекол, ми ги ставаат зборовите во уста. Кога ќе донесам одлука прво ќе дознае селекторот. Нека заврши сезоната, ќе разговарам со семејството, ќе видам, во каква состојба сум па потоа ќе знам“ рече покрај другото Јокиќ.
Се разбира дека овие негови зборови се шок за цела Србија.
