Американскиот скијач Брајс Бенет на општо изненадување победи на првиот спуст во новата сезона од Светскиот куп кој денеска се возеше во Вал Гардена, Италија. Бенет, кој стартуваше со реден број 34 славеше со резултат 1:23,80 минути и така стигна до вториот триумф во СК. Првиот го оствари во 2018 година исто така во Вал Гардена.
Американецот за само 0,03 секунди беше побрз од второпласираниот Норвежанец Александер Амот Килде, а за 0,05 секунди од Швајцарецот Марко Одермат.
Водечки во генералниот пласман во СК се Одермат и Австриецот Марко Шварц со по 160 бодови. Зад нив е Мануел Фелкер од Австрија со 124.
Во петок во Вал Гардена е супервелеслаломот, а во сабота уште еден спуст.
Трките во женска конкуренција се сабота и недела во Вал д’Изер, Франција. Во сабота е спуст, а во недела супервелеслалом.
BRYCE BENNETT EVERYONE ⚡️👏
Bryce Bennett WINS the @VGardena downhill FOR THE SECOND TIME‼️
#stifelusskiteam pic.twitter.com/ylOjKdE2am— U.S. Ski & Snowboard Team (@usskiteam) December 14, 2023
