На последното Годишното собрание на РФМ беше даден рок во декември да биде формиран системот на натпреварување за сезоната 2024/25. Донесени се одлуки за промена на системот на натпреварување во машката Супер-лига.
За сезона 2024/2025 машката Супер лига ќе брои 12 екипи, односно учество ќе земат екипите учеснички Супер Лига од сезона 2023/2024 кои разигруваат во плеј-оф и прво и второрангираните кои ќе разигруваат во плеј-аутот од сезона 2023/2024.
Останатите две места ќе бидат дополнети на следниот начин: Шампионот на Првата лига ќе се пласира директно во Суперлигата. Последното место ќе го добие победникот од бараж натпреварот што ќе се игра меѓу третопласираниот тим од Плејаут и второпласираниот од Првата лига.
Суперлигата ќе ја напуштат екипите што во Плејаут ќе завршат од 4 до 8 место.
• Бодувањето по одигран натпревар се валоризира на следниов начин :
– Победа 2 бода ;
– Пораз 0 бодови ;
– Нерешено 1 бод ;
Натпреварите во првиот регуларен дел се одигруваат по еднокружен бод систем вкупно 22 кола .
По завршување на 22-ро коло од регуларниот дел се разигрува плеј-оф и плеј-аут односно екипите пласирани од прво до шесто место ќе ја формираат групата во битка за титулата, додека екипите со остварен пласман 7-мо до 12-то место ќе ја формираат групата плеј-аут од 6 екипи.
Во плеј-офот екипите се натреваруваат во еднокружен бод систем (домаќин – гостин 2 х 5 кола) вкупно 10 кола до добивање конечен пласман во највисок степен на натпреварување, дополнително ракометните екипи пренесуваат бодови од првиот регуларен дел од одиграните 22 кола по принципот:
– 1-от пренесува 3 бода
– 2-от пренесува 2 бода
– 3-от пренесува 2 бод
– 4-от пренесува 1 бод
– 5-от пренесува 1 бод
– 6-от пренесува 0 бодови
Во плеј-аут групата разигрува по еднокружен бод систем (домаќин – гостин 2 х 5 кола) вкупно 10 кола за опстанок во Супер Лига, дополнително ракометните екипи пренесуваат бодови од првиот регуларен дел од одиграните 22 кола по принципот:
– 7-от пренесува 3 бода
– 8-от пренесува 2 бода
– 9-от пренесува 2 бод
– 10-от пренесува 1 бод
– 11-от пренесува 1 бод
– 12-от пренесува 0 бодови
По добивање на конечниот пласман во плеј-аут 7-мо до 10-то место остануваат во Супер Лига за сезона 2025/2026, 11-от игра бараж со вториот од Прва Лига за пласман во највисок степен на натпреварување за сезона 2025/2026, додека 12-от рангиран во плеј-аут преминува во Прва лига за сезона 2025/2026, а пак пласираниот од Прва Лига преминува во Супер Лига за сезона 2025/2026.
