Без никакви дилеми Марјан Радески е играч на есенската полусезона во нашата ПМФЛ. Напаѓачот на Струга ТЛ настапи на сите 18 средби, постигна 8 голови е втор на листата на стрелците веднаш зад Алекса Марушиќ, имаше и неколку асистенции. Едноставно Радески блескаше во дресот на шампионот. Тој со Бесарт Ибраими беше
најдобриот напаѓачки тандем во есенскиот дел, а е и најзаслужен што
неговиот тим дојде до есенската круна.
Покрај него од Струга ТЛ во тимот на полусезоната се и Бесарт
Кривањева и Бесмир Бојку.
И вториот Шкупи имаше одлична полусезона, а се издвојуваат голманот Артан Илјази, Дарко Илиески и Кристијан Трапановски.
Покрај овие во идеалниот тим на полусезоната според „СпортСпорт“ се и Цаке и Тотре (Шкендија), Потук (Гостивар), првиот стрелец Марушиќ (Воска) и Ѓорѓиевски (Силекс).
Ете тоа е изборот на „СпортСпорт“.
ИГРАЧ НА ПОЛУСЕЗОНАТА
МАРЈАН РАДЕСКИ
Тим: Струга ТЛ
Роден: 10.02.1995 во Прилеп
Кариера: 11 Октомври, Металург, Шкендија, Брера, Шкупи,
Пјуник (ЕРМ), Струга ТЛ
