Ракометарската екипа на Алкалоид денеска беше во посета на компанијата Алкалоид АД Скопје и Генералниот директор/претседател на УО Живко Мукаетов.
Алкалоид го имаше дебито на европската сцена на која освои бодови во Европската лига на ЕХФ, а во македонската Суперлига има максимален ефект.
Стратешките цели на клубот е да градат ракометари кои ќе бидат носители на македонскиот ракомет.
„Ние ракометарите и стручниот штаб изразивме голема благодарност до компанијата „Алкалоид“ и до г. Живко Мукаетов за неизмерната поддршка за клубот и најавивме дека овогодишните резултати се поттик и мотив за уште поголеми успеси во периодот што следува.
Имавме можност да ги посетиме и производствените капацитети и Центарот за контрола на квалитет во сегментот фармација“, изјавија од РК Алкалоид.
