Крстал Палас успеа во последните секунди од гостувањето кај Манчестер Сити да се избори за реми, 2:2 во дуелот со шампионот Манчестер Сити. Иако домашните имаа предност од 2:0, до крајот дозволија гостите да дојдат до израмнување и да ги оддалечат од водечките на премиерлигашката табела.
Избраниците на Пеп Гвардиола поведоа во 24. минута кога Џек Грилиш го искористи додавањето на Фоден и ја затресе мрежата на лондонскиот клуб.
Апсолутната доминација Сити ја претвори во гол во 54. минута кога погоди Рико Луис, но во 76. Кристал Палас успеа да се врати во натпреварот со голот на Жан-Филип Матета.
Премногу потценувачкиот однос на теренот, домашните го платија на најлош можен начин, примија гол од пенал во 95. Минута, која Мајкл Олиси израмни.
MICHAEL OLISE. ICE COLD pic.twitter.com/XcpBJsYtfl
— 𝐆𝐞𝐨𝐫𝐠𝐞 🦅 (@CPFC_GEO) December 16, 2023
Челзи на Стемфорд Бриџ го победи Шефилд Јунајтед со 2:0. Головите ги постигнаа Палмер и Џексон.
Њукасл на домашен терен го победи Фулам со 3:0. Сите три гола стигнаа во вториот дел. Фулам играше од 22. минута со играч помалку поради црвениот картон за Хименез. 17-годишниот Луис Мајли го постигна својот прв гол на своето деби за Њукасл и стана најмладиот играч и стрелец на клубот во Премиер лигата. По него погодија и Алмирон и Бурн.
Натпреварот помеѓу Бурнмаут и Лутон беше прекинат при 1:1 во 60. минута откако колабираше дефанзивецот на Лутон, Том Локер.
