Интер се зацврсти на врвот на табелата во Серија А, откако вечерва славеше на дерби дуелот против Лацио на гостински терен со 0-2 во рамките на 16 коло.
Избраниците на Симоне Инзаги го искористија неуспехот на Јувентус и со триумфот над Лацио ја зголемија предноста на врвот во италијанскиот шампионат на четири бода пред „Старата дама“.
Гостите поведоа во 40 минута со голот на Мартинез (0-1), резултат со кој заврши првото полувреме. По одморот, Турам во 66 минута се запиша во листата на стрелци за 0-2. Ова беше и конечниот резултат на мечот.
Лаутаро Мартинез влезе во историјата на Интер со тоа што стана првиот играч од 2000 година кој постигнал 29 гола во Серија А во една календарска година.
Овој рекорд го држеа Диего Милито и Кристијан Виери кои постигнаа 28 гола во Серија А во една календарска година. Првиот го направи тоа во 2012 година, кога Интер ја освои тројната круна, а вториот 11 години порано.
Lautaro Martínez scores for Inter!pic.twitter.com/LxRMMxwSEm
— Roy Nemer (@RoyNemer) December 17, 2023
Marcus Thuram’s goal! His seventh goal!pic.twitter.com/czX0k7EWc3
— F.C. InterData (@Fcinterdata) December 17, 2023
Лацио не успеа сериозно да му се закани на противникот, по исклучувањето на Лацари во 86. минута, беше јасно дека Интер ќе забележи нова вредна победа на гостински терен.
Римскиот клуб по денешниот пораз падна на 11. позиција во Серија А со 21 бод.