Македонскиот репрезентативец, Јован Манев се враќа во редовите на Адана Демиспор. Турскиот клуб одлучи да ја активира клаузулата од договорот Осијек и предвреме да го повлече својот фудбалер.
Дефанзивецот одигра седум меча за хрватскиот прволигаш каде поради повреда не беше во конкуренција.
„Одлуката беше искучиво на Адана, така е склучен договорот со Осиек. За мене беше чест да играм за Осиек, но Адана е мојот клуб за кој сум обврзан со повеќегодишен договор. Поради тоа е јасно е дека ја прифатив нивната одлука, особено што многу ми помогнаа во мојата досегашна кариера. Дадов се од себе овде и жалам што не добив повеќе настапи во ХНЛ поради проблемот со тетивата. Се надевав дека резултатски ќе бидеме поуспешни, квалитетот секако е тука, но некако западнавме во криза. Тоа е фудбалот“, изјави Манев.
