Веднаш по најголемото дерби во ПЛ, Вирџил ван Дајк истакна дека не е задоволен од тие 0:0, дека Ливерпул бил подобар и дека заслужил да победи. Рече дека Манчестер Јунајтед го слави бодот а тие се фрустрирани.
На ова свој коментар имаше Рој Кин, иконата на Јунајтед, кој сега работи како стручен коментатор, па му одговори на Ван Дајк:
“Кога говори така тогаш тој е арогантен и го омаловажува Манчестер Јунајтед. Треба да го потсетиме дека тој игра за клуб кој што има освоено само една титула во Премиерлигата за 33 години. Да, Јунајтед е во тешка ситуација, како што тоа беше долги години Ливерпул. Таа ароганција му се удри од глава“ посочи Кин.
