Европскиот и англиски шампион Манчестер Сити излезе со соопштение по денешното повторно актуелизирање на можноста за формирање на европска Суперлига.
„Фудбалскиот клуб Манчестер Сити потврди дека официјално влезе во процес за повлекување од групата за развој на планови за европска Суперлига во 2021 година. Нашиот став не е променет. Остануваме посветени на вредностите на европскиот фудбал и ќе продолжиме да соработуваме со други клубови преку Европската клупска асоцијација и да учествуваме во натпреварувањата на УЕФА“, се вели во официјалното соопштение на клубот.
