Кошаркарите на МЗТ Скопје го претрпеа и третиот пораз во новата сезона од АБА 2 лигата. По победата на Подгорица од пред два дена, вечерва во мечот од 7. коло одигран во Широки, момците на Васко Атанасов беа поразени од екипата на Спартак Суботица со 81:86.
Од почетокот на мечот беше забележливо дека кошаркарите од Суботица беа подобро расположени за игра. Ја добија првата четвртија со 22:19, а разликата ја зголемија за уште два поени во вториот период, па на пауза заминаа со 37:44.
Иако очекувавме многу подобра партија на нашиот шампион во вториот дел, Суботица продолжи во уште подобро издание. Разликата на крајот на третиот период скокна на 14 поени и потоа беше многу тешко да се очекува некаква сензација во завршните 10 минути. До крајот нашиот првак успеа да се приближи, но не и да ја анулира предноста на противникот.
Расел со 16 и Војдан Стојановски со 15 поени беа најефикасни кај МЗТ Скопје, додека кај Спартак Суботица 20 поени останаа запишани зад името на Барна.
