Интер Мајами денеска и официјално го потврди договорот со уругвајската фудбалска ѕвезда, Луис Суарез.
Суарез доаѓа во МЛС лигата со договор на една сезона, со опција да биде продолжен за уште една. Суарез доаѓа во САД како најдобар играч и најдобар напаѓач во бразилската лига благодарение на неговите 26 гола и 17 асистенции во текот на 53 натпревари за Гремио.
„Среќни сме што можеме да му посакаме добредојде на напаѓачот од светска класа Луис Суарез во нашиот клуб. Луис е жесток конкурент чиј победнички нагон го отелотворува она што го сакаме од нашите играчи. Им ветивме на нашите навивачи дека ќе ги донесеме најдобрите светски играчи да изградат тим кој ќе може да се натпреварува во највисоките ешалони во Америка. Доаѓајќи од Бразил, Луис ќе биде клучно засилување во нашиот состав“, рече Хорхе Мас.
