Далас го совлада Феникс Санс во последниот натпревар од божиќната програма во НБА со резултат 128:114. Одличен натпревар за Маверикс одигра словенечкиот кошаркар Лука Дончиќ кој беше најзаслужен за победата, постигна 50 поени. Словенецот шутираше од поле со прецизност од 60 отсто, погоди осум тројки од 16 обиди и 12 од 12 слободни фрлања.
Словенецот дојде до значајно достигнување. Тој ја надмина границата од 10.000 постигнати поени побрзо од сите активни кошаркари во моментов во НБА. Дополнително, Дончиќ натпреварот го заврши со 14 асистенции, шест скока и четири украдени топки.
Словенецот имаше помош од Џонс кој натпреварот го заврши со 23 поени. Дончиќ мораше да го преземе најголемиот дел од офанзивниот товар, бидејќи Маверикс на овој натпревар беа без Кајри Ирвинг, вториот најдобар играч.
Luka Doncic pulls it from DEEP to cap a 9-0 Mavs run 🔥
10,000 career points for Luka ‼️
📺 #NBAXmas on ESPN pic.twitter.com/aGUpNS8DCk
— NBA (@NBA) December 26, 2023
Во Феникс потфрлија најголемите ѕвезди. Кевин Дурент застана на 16 поени и го одигра речиси цел натпревар. Девин Букер постигна 20 поени, додека Санс ги предводеше не толку познатиот Грејсон Ален, кој постигна 32 поени.
Далас моментално ја држи шестата позиција во поредокот на Западната конференција на НБА.
На останатите средби, Мајами славеше против Филаделфија со 119-113, Лејкерси беа поразени од Бостон со 115-126.
