Светскиот клупски шампион Манчестер Сити со победа ги продолжи настапите во Премиер лигата. Вечерва на „Гудисон парк“ славеше со 1:3 иако по првото полувреме имаше негатива.
Евертон дојде до предност со голот на Џек Херисон во 29 минута. Во 43 минута се повреди Стоунс, па Гвардиол мораше да го замени.
Во второто полувреме работите тргнаа кон подобро за Сити. „Граѓаните“ всушност беа надмоќни на овој меч (8:26 шутеви во рамки на гол), но реализацијата ја покажаа во второто полувреме. Во 53 минута изедначи Фил Фоден, а во 64 минута Хулијан Алварез од пенал погоди за пресврт на Сити откако еден играч на „карамелите“ играше со рака во својот шеснаесетник.
Евертон можеше да изедначи во 75 минута но по ударот на Калверт-Луин топката заврши покрај голот. Во 86 минута се беше решено.
Голманот Пикфорд направи катастрофална грешка при едно исфрлање на топката, а Бернардо Силва испрати шут надвор од шеснаесетникот по кој голманот само ја проследи топката како оди во неговата мрежа.
BERNARDO SILVA GOALLL DONT CARE IF IT WAS A LUCKY GOAL GET INNNNNNpic.twitter.com/fr9gVxmkHk
— 17 (@DxBruyneSZN) December 27, 2023
Во судиското продолжение Фил Фоден ја погоди и стативата.
Сити има 37 бода на четвртото место по 18 одиграни натпревари. Евертон е на 17. позиција со 16 бодови.
