Како што веќе информиравме, Силекс од вчера и официјално има нов шеф на стручниот штаб, а тоа е Александар Васоски. Прозивката ќе биде на 10 јануари, а предвидено е главната фаза од зимските подготовки да се одработи во Охрид и тоа од 21 јануари до 5 февруари.
Значи за разлика од минатите години, кратовци овојпат нема да одат во Анталија. Во Охрид тимот на Васоски ќе одигра и неколку пријателски средби.
Што се однесува до играчкиот кадар, раководството на Силекс има намера да се засили со 3-4 нови имиња во текот на овој преоден рок.
