Поранешниот претседател и легенда на Баерн Минхен, Карл-Хајнц Румениге изјави дека од самиот почеток бил убеден како капитенот на Англија, Хари Кејн е совршеното летно засилување и за шампионот во Бундеслигата и за имиџот на целата лига.
Кејн пристигна во Минхен летото од Тотенхем, а Баварците за него платија рекордни 100 милиони евра. Тие порано се разделија со Роберт Левандовски, кој се пресели во Барселона и по секоја цена бараа извонреден стрелец.
Но, без потреба од адаптација, Кејн стана инстант хит, на врвот на листата на стрелци во Бундеслигата со 21 гол и додаде четири во Лигата на шампионите, каде што Баерн исто така има големи амбиции. Покрај тоа, клубот продаде повеќе од 100.000 дресови на Хари Кејн.
„Од самиот почеток бев убеден дека ќе успее. Хари Кејн и Бундеслигата веројатно се љубов на прв поглед. Многу сме среќни со Хари. Отсекогаш знаевме дека ни треба таков тип на играч за повторно да имаме стрелец во врвот на нашиот напад. Имавме други опции, но во секој случај не можат да гарантираат 40-50 голови по сезона, колку што постигна Левандовски“, нагласи поранешната ѕвезда на Баварците.
