Лука Дончиќ повторно ги импресионираше сите и постигна 39 поени со седум скока и шест асистенции, но тоа не беше доволно за Далас да го победи Кливленд на домашен терен. Поранешните НБА шампиони славеа изненадувачки со 113:110. Карис Леверт постигна 29 поени, Џерет Ален 24 и 23 скока.
Далас водеше со 20 разлика во еден момент, на неколку минути пред крајот беше 101:91. Но, Кливленд со серија од 15:0, стигна до 111:105 и успеа да крајот да ја сочува предноста и да победи.
Дончиќ го заврши првото полувреме со 29 поени, но неговата една асистенција на крајот од првата четвртина беше всушност неговиот најдобар потег. Словенецот во контранапад извлече двајца противнички играчи, а потоа преку глава го најде Кари во левиот агол. Одбраната доцнеше, а братот на многу попознатиот Стеф Кари беше прецизен за тројка и апсолутно воодушевување на публиката. Натпреварот го заврши со 19 поени.
Luka Doncic drops an over-the-head DIME to Seth Curry 🤯pic.twitter.com/ItiLkMuZLb
— ClutchPoints (@ClutchPoints) December 28, 2023
Резултати: Орландо – Филаделфија 92:112, Вашингтон – Торонто 102:132, Бруклин – Милвоки 122:144, Хјустон – Феникс 113:129 и Оклахома – Њујорк 129:120.
