Бешикташ се понуди да биде домаќин на натпреварот од Суперкупот на Турција на својот стадион.
Натпреварот меѓу Галатасарај и Фенербахче требаше да се одигра денеска во Саудиска Арабија, но локалните власти не дозволија тимовите да носат маици со Кемал Ататурк и не сакаа да ја интонираат турската химна.
„Нашите врати се отворени! Очекуваме навивачите на Ататурк да дојдат кај нас со турски знамиња за финалето на Суперкупот, кое ќе се игра на стогодишнината од нашата Република, на најдобриот стадион во светот“, порачаа од Бешикташ.
