Менаџерот на Ливерпул, Јирген Клоп, во јануари ќе биде без најдобриот стрелец на тимот Мохамед Салах, но е убеден дека може да најде соодветно решение меѓу напаѓачките опции со кои располага.
Салах ќе биде вклучен со репрезентацијата на Египет на Африканскиот куп на нации и заминува веднаш по мечот со Њукасл на 1 јануари. Овој натпревар ќе го означи почетокот на серијата од најмалку шест натпревари, без Салах.
„Ова не е првпат да имаме ваков случај. Нормална ситуација е да го изгубиш својот најдобар стрелец, но ние бевме во полоша ситуација во минатото кога отсуствуваа и Салах и Садио Мане. Тогаш некако успеавме да се снајдеме, а обично еден од нив одеше доста далеку на турнирот, што отежнуваше уште повеќе. Знаевме дека Салах ќе мора да патува и Ватару Ендо ќе биде на турнирот во Азискиот куп (кој се игра во исто време), така што таква е ситуацијата. Ќе мора да се справиме со тоа“, изјави Клоп.
