Новак Ѓоковиќ не успеа да дојде до победа на дуелот против Алекс Де Минаур, беше совладан со 2-0 на Јунајтед Купот, а пласманот на Србија во полуфиналето е ставен под знак прашалник. Ѓоковиќ имаше проблеми со повреда на зглобот на десната рака, што пак влијаеше на неговата игра.
„Имав голема непријатност во последните два дена, особено на вчерашниот натпревар
денес значително се влоши. Да бидам искрен, мислам дека се ќе биде во ред. Имаше огромно влијание врз мојата игра, особено на мојот форхенд и сервис. Не сакам да трошам премногу време зборувајќи за тоа и да му одземам од заслугите на Де Минаур за победата. Беше многу тврд, како и секогаш. Мора да продолжиме понатаму, а моите мисли се веќе во Мелбурн“, изјави Ѓоковиќ на прес-конференција во Перт.
Ѓоковиќ ја брани титулата на Австралија опен што ќе се игра од 14 до 28 јануари.
„Сето тоа е дел од подготовките за Австралија Опен, се надевам дека таму ќе играм најдобро од себе. Повторно, никогаш не е убаво да се загуби меч, но знаете дека нема долго да размислувам за тоа“, заклучи најдобриот тенисер на светот.
