Вечерва од 20 часот во “Штарк Арената“ во Белград силите ќе ги одмерат српските и балкански кошаркарски гиганти Ц. Звезда и Партизан. Ова воедно ќе биде и дерби на ова 19.коло во Евролигата. Јасно е дека во Арената ќе “гори“. Фановите на Ц. Звезда ќе ја наполнат Арената, ќе има најмалку 22.000 фанови, но поважно е што ќе каже на крајот семафорот.
И двете екипи се во добра форма, откако пред два дена “црвено – белите“ го победија Фенербахче среде Истанбул, а “црно-белите“ пак си поигруваа со Асвел.
“Домаќинот“ можеби е во мала предност зошто игра пред своите фанови, но и поради фактот дека големиот тренерски маг Жељко Обрадовиќ не ќе може да смета на Ледеј и Аврамовиќ поради повреди.
Од друга страна токму Жељко ќе биде големиот адут за Партизан.Тој и тоа како знае што треба да се стори за да се победи една силна екипа како онаа на Ц. Звезда.
Во пресрет на ова дерби, на клубовите кои имаат и по 20 милиони евра буџет, табелата кажува дека Партизан е на делба на 5.место со скор од 10 победи и 8 порази, додека Ц. Звезда е на делба на 13.место скор од 7 победи и 11 порази.
