Барселона победи во Лас Палмас со гол од пенал во 93. минута

681

Екипата на Барселона со многу мака ги освои бодовите на гостувањето кај Лас Палмас во рамките на 19.коло на Ла Лига. Составот на Чави победи со 2:1 на „Гран Канарија“ и покрај лошата игра, посебно во првото полувреме и многу нервоза.
Во првото полувреме играчите на Барса не ни шутнаа во рамките на противничкиот гол. Во второто ја подобрија статистиката и на крајот двапати реализираа.

Фудбалерите на Лас Палмас поведоа со голот на Мунир Ел Хадади во 12.минута, а Барса изедначи со голот на Феран Торес во 56 минута. Во 91 минута судијата покажа на белата точка откако Дејли Синкгравен го турна Гундоган во казнениот простор кога Турчинот се обиде да скокне и да ја удри топката со глава. Притоа Холанѓанецот доби црвен картон, а од белата точка погоди Гундоган со што ги обезбеди бодовите.

Барселона шест пати по ред го победува Лас Палмас.
На табелата Барселона има 41 бод на третото место, седум помалку од лидерите Реал Мадрид и Џирона. Лас Палмас е на десеттото место со 25 бода.

ПретходноНилтињо го напушти Шкупи и ќе игра за бразилски третолигаш
СледноЈокиќ ја погоди најлудата тројка со звукот на сирената (ВИДЕО)

ПОВРЗАНИ СОДРЖИНИПОВЕЌЕ ОД АВТОРОТ