Селекторот Кире Лазаров по победата над Грција испрати апел до клубовите да работат со младите македонски играчи и да им даваат поголема шанса затоа што само така ќе се има квалитетен национален тим.
„РФМ функционира перфектно, меѓутоа националните тимови зависат од нашите клубови. Нашата лига, како што одминува времето, е подобра, но мора да се вложува во клубовите, да се посвети внимание на младите играчи и да им се даде шанса на македонските играчи но и да се бара одговорност од нив. Се разбира со нив мора да работи и квалитетен кадар.
Ако ние напредуваме, другите напредуваат двојно. Ние имаме добра лига, а апелирам до клубовите во иднина да посветуваат поголемо внимание на младите македонски играчи затоа што само така ќе имаме квалитетна репрезентација “, заврши Лазаров.
