Јувентус мораше да вложи големи напори на гостувањето против Салернитани за да дојде до очекуваната победа и да продолжи во трката со Интер за првата позиција на табелата.
Домашните одиграа одлично на стартот и приредија „студен туш“ за тимот од Торино откако Маџоре ги доведе во водство. Работите да бидат уште полуди, истиот играч заработи црвен картон во вториот дел, па Салернитана се обиде да се брани.
Сепак, притисокот на гостите донесе целосен пресврт. Најпрво Влаховиќ му асистираше на младиот Илинг Јуниор кој го постигна израмнувачкиот гол, па српскиот репрезентативец потоа во судиското надополнување, кога беше најважно, со ефектен гол да донесе предност за „Старата дама“ и да обезбеди големи три бода.
🇮🇹 Goal: Vlahovic | Salernitana 1-2 Juventuspic.twitter.com/r6T4DUfZhO
— FootColic ⚽️ (@FootColic) January 7, 2024
