Статистиката на Барселона од почетокот на сезоната ја потврдува кризата во екипата. Каталонскиот тим ги совлада аматерите од Барбастро со 3:2 во Купот на Шпанија, а со тоа поставија антирекорд.
За првпат по формирањето во 1899 година Барселона запиша 20+ едноподруго натпревари во кои нема победа со повеќе од еден гол разлика. Заклучно мечот со Барбастро, таа серија е 21 меч во сите натпреварувања.
Последен пат шпанскиот првак победил со поубедлив резултат на 19 септември кога го совладаа Антверпен со 5:0 во ЛШ. Потоа 21 меч без убедлива победа со над еден гол разлика.
Четири дена пред споменатиот дуел го победија Бетис со истиот резултат во Ла Лига. А во август со совладаа Кадиз со 2:0 во Ла Лига. Тие се едиствените победи од 17-те во сите натпреварувања кои се со повеќе од еден гол разлика.
Во четврток Барселона во Ријад ќе го игра полуфиналето од Суперкупот на Шпанија против Осасуна. Победникот од овој дуел ќе игра во финалето со победникот од Реал Мадрид и Атлетико Мадрид.
