РК Еурофарм Пелистер вечерва објави дека Бранислав Ангеловски од привремен, станува перманентен предводник на екипата. Тој потпишал договор до крајот на сезоната и утре од 16 часот ќе ја одржи првата прозивка за вториот дел од сезоната.
Ангеловски активно ја извршуваше улогата на спортски директор, а по заминувањето на Александар Јовиќ и Звонко Шундовски од тренерската позиција, во ноември и декември минатата година ја водеше екипата на четири натпревари од Лигата на шампионите и неколку натпревари од Суперлигата и Купот на Македонија.
Првиот официјален натпревар во 2024 година Е. Пелистер ќе го одигра против Вардар 1961 во првото коло од плеј-офот на Суперлигата.
