Фудбалерите на Лацио се пласираа во полуфиналето на Купот на Италија откако вечерва на „Олимпико“ ја совладаа Рома со 1:0. Стрелец на единствениот гол на натпреварот беше Закањи во 51. минута од пенал.
Ова е четврти меч по ред на кој Рома не успева да постигне гол против Лацио, а последен пат „волчицата“ ги затресе мрежите на својот најголем ривал на 26 септември 2021 година!
Во последните моменти дојде до тепачка и физичка пресметка, во која Педро се судри со Манчини и Паредес и заработи црвен картон. Во следниот напад Лукаку се обиде со ножички од 10 метри, топката заврши над гредата. Веднаш потоа следеа нови фаули, по што црвен картон доби и Азмун, оставајќи ја Рома со десетмина.
Лацио во полуфиналето го чека подобриот од натпреварот Јувентус – Фросиноне кој е закажан за утре.
