Уште една полноќна промоција во Гостивар. Ертен Ерсу (29) и официјално е нов член на гостиварци. Турски голман со потекло од Македонија, некогашен соиграч на Елиф Елмас во Фенербахче и Лука Станковски во Газијантеп, на полноќ беше промовиран како нов голман од страна на раководството на Гостивар.
Ерсу е првото офцијално засилување во овој зимски преоден рок во таборот на нашиот амбициозен прволигаш, велат дека ќе има уште неколкумина.
Инаку Ерсу е дете на Фенербахче, ги минува сите младински школи на овој клуб, но нема некое посебно резиме во првиот тим. Се сели во Коњаспор во 2020 година, а во Гостивар доаѓа од тимот на Газијантеп. 
