Кошаркарите на Денвер Нагетс се поразени од Јута Џез (124:111) во Солт Лејк Сити и така потврдија дека се наоѓаат во криза. За Денвер кој важи за екипа од која се очекува да стигне до завршницата ова е неочекуван пораз со оглед на тоа дека Џезерите имаат скор од 19-20 (победи-порази).
Најмногу што Денвер успеа на овој меч е да се приближи на 13 разлика при 84:71, а во поголем дел од мечот Џезерите држеа разлика од 20-тина поени, а на +25 отидоа во вистинско време, на пет минути до крајот (116:94) за мирно да го приведат мечот во своја корист.
Ни Никола Јокиќ со своите 27 поени, 11 скокови и шест асистенции не можеше да го извлече Денвер. Неговите соиграчи не беа расположени на овој меч. Џамал Мареј постигна 17 поени.
Кај Јута Џордан Кларксон постигна 27 поени, Лаури Марканен имаше дабл-дабл со 26 поени и 11 скокови.
А Голден Стејт Вориорс го доживеаја 20-тиот пораз сезонава. Тие беа демолирани од Њу Орлеанс Пеликанс со 36 поени разлика (105:141). Кај Голден Стејт, Стеф Кари беше најефикасен со само 15 поени. Кај Пеликанс осум кошаркари имаа по 12 поени, а најефикасни беа Џонас Валанчиунас со 21 поен и Зион Вилијамс со 19 поени. Ова е највисокиот пораз на Вориорс на домашен терен.
НБА Резултати
Бостон – Минесота 127:120
Шарлот – Сакраменто 98:123
Детроит – Сан Антонио 108:130
Индијана – Вашингтон 112:104
Атланта – Филаделфија 139:132
Мајами – Оклахома 120:128
Чикаго – Хјустон 124:119
Голден Стејт – Њу Орлеанс 105:141
Јута – Денвер 124:111
ЛА Клиперси – Торонто 126:120
