Ал Хилал се засили со бразилската мега ѕвезда Нејмар, но тој се повреди и ќе отсуствува долго време. И покрај неговото отсуство Ал Хилал е на чело на табелата, а тренерот Жорж Жесус даде коментар за својата ѕвезда и ја спореди со напаѓачот на Ал Наср, Кристијано Роналдо.
„Немав среќа со Нејмар. Кога дојдов работевме месец и половина и толку (Нејмар потоа се повреди). Нејмар и Кристијано Роналдо се многу различни карактери. Роналдо е посветен на фудбалот, тоа му е приоритет. А Нејмар е повеќе посветен на други работи поврзани со приватниот живот“, изјави Жесус.
Во претходните недели Нејмар беше на страниците поради наводното раскинување со девојката Бруна Бјанкарди. Потоа беше дел од екстравагантна тридневна забава на брод за Божиќ.
Предвидувањата се дека Бразилецот ќе се врати на терените во јуни 2024 година.
