СпортСпорт во Берлин, Марија Ковачева
Два убедливи порази од две силни репрезентации се зад македонската ракометна репрезентација. Колку и да сакаме да сонуваме за големи работи и големи победи, сепак против едни противници како што се Франција и Германија, тоа е речиси невозможно, особено кога на теренот се повторуваат едни исти грешки.
Никој не очекуваше можеби победа, иако многумина посакувавме една од бајките на ова ЕП да ја испише и Македонија. Но, Германија ни покажа дека засега не сме ниту одблиску до нејзиното ниво.
На оваа средба не добивме помош од поискусните Филип Кузмановски и Филип Талески, двајцата беа претивки, нешто што за Македонија не е дозволиво на ваквите средби.
По мечот Кузмановски застана пред новинарите ја превзема одговорноста, самиот е свесен дека од него се очекуваше многу повеќе.
„Навистина бевме спремни за овој натпревар, знаевме против кого играме и дека Германија е фаворит. Ни се повторуваат некои работи. На оваа средба можеби се очекуваше најмногу од најискусните. Јас лично потфрлив и ќе превземам одговорност. Имав лош ден. Мора да одиме понатаму не можеме да го вратиме времето назад, животот продолжува, навистина ми е многу криво“, изјави Кузмановски.
Македонија групната фаза ја затвара на 16. јануари против Швајцарија.
„Сега ни останува мечот со Швајцарија на кој ќе мора да го дадеме максимумот. Верувајте и ние на терен го сакаме секогаш најдоброто за Македонија, но ете денеска не успеавме баш да го исполниме договореното… Ни останува Швајцарија да го дадеме најдоброто на ова првенство“.
