Најдобрата македонска судиска двојка, Ѓорѓи Начевски и Славе Николов ќе ја делат правдата во Мајнхам. Нивната нова мисија на Европското првенство е пресметката меѓу бранителот на тронот, Шведска и Холандија.
Ова е меч од третото коло во групата Е, и воедно е дерби. И двете репрезентации стартуваа со две победи, па подобриот од оваа средба ќе патува во следната рунда со максимален скор. Мечот е закажан со почеток во 20:30 часот.
Во истата група Грузија и БиХ ќе се одмерат силите во 18 часот, и двете селекции ги загубија сите шанси за главната рунда, ќе играат за прва победа и достојно збогување со овој еврошампионат.