СпортСпорт во Берлин, Марија Ковачева
Македонската ракометна репрезентација денеска (18 часот) го игра последниот натпревар на Европското првенство. За противник, избраниците на Кирил Лазаров ја имаат селекцијата на Швајцарија. Ова е последна шанса за нашите ракометари да дојдат до победа по двата порази од фаворитите во нашата група Франција и Германија.
Дуелот со Швајцарија има и посебно значење за Македонија во однос на баражот за Светското првенство 2025 година. Одлучува кој ќе се најде во првиот шешир пред ждрепката, а кој во вториот.
Што и треба на Македонија за да се најде во првиот шешир?
-Победа со еден гол, и вкупно 24 погодоци на оваа средба не става во групата на носители.
-Победа со повеќе од еден гол, исто така не носи во групата на носители.
-Ако победиме со еден гол, а постигнеме 22 гола или помалку, тогаш одиме во вториот шешир.
Во оваа весела математика има уште еден критериум, ако победиме со 23-22. Според него се гледа резултатот во групата против најдобриот противник. За Македонија може да биде Франција (-10) или Германија (-9). Во ова друштво е Грузија која има со Шведска (-16) и Холандија (-9).
Ако победиме 23-22 со Швајцарија, а Германија е подобро пласираната на крајот на првенството од Франција, а Холандија е подобро пласирана од Шведска тогаш ќе се одредува според фер плеј критериумот. А тој изгледа вака:
Подобар ќе биде тимот што ќе има помалку поени, а притоа:
Жолт Картон е 1 бод.
Две минути се 2 бода.
Ц. Картон е 8 бода.
Во моментов, сигурни членови на вториот шешир се следниве репрезентации:
Романија, БиХ, Ф. Острови и Грција. Во директни дуели се Швајцарија/Македонија, Србија/Црна Гора и опишаниот случај со Грузија.
