Десното крило на нашата репрезентација, Ненад Костески и вчера беше еден од нашите најдобри реализатори во нападот. Во победата над Швајцарија запиша пет гола, а клучот за успехот и победата го гледа во нашата смиреност во последните минути од средбата.
„Ова е голема победа за нас. Навистина сме среќни што одиме дома со бодови и со победа. Иако успеа Швајцарија да се врати на оваа средба, успеавме да го свртиме резултатот и да победиме. Мислам дека клучен дел од мечот беше нашата смиреност. Не брзавме, не губевме топки кои можеа да не чинат пораз, одигравме професионално, искусно, не брзавме, ја стопиравме играта и на крајот победата си дојде“, вели десното крило на нашата репрезентација.
