Тренерот на Јувентус, Масимилијано Алегри по најновата победа во Серија А, проговори за второто место на кое се наоѓа Јувентус по 20 кола во Серија А. „Старата Дама“ заостанува само два бода зад лидерот Интер во трката за Скудетото.
„Кога некој е напред, тогаш некој мора да биде зад него. Треба да останеме смирени и да одиме натпревар по натпревар. Имаме 16 бодови повеќе од петтото место и тоа е најважно. Победата во Лече во следното коло би била исклучително важна, бидејќи овие натпревари се секогаш тешки. Треба да направиме чекор по чекор, има време да зборуваме за Скудето“, рече главниот тренер на Јувентус.
