Левиот бек на Реал Мадрид, Ферланд Менди по завршувањето на сезоната ќе го напушти Мадрид. Како што пишуваат шпанските медиуми, францускиот одбранбен играч ќе мора да биде продаден, затоа што Реал подготвува замена на неговата позиција.
Не е тајна дека „кралевите“ се заинтересирани за левиот бек на Баерн и канадската репрезентација Алфонсо Дејвис.
Менди игра за Реал Мадрид од 2019 година, а оваа сезона одигра 16 натпревари на кои постигна еден гол. Договорот на играчот со мадридскиот клуб е со важност до крајот на јуни 2025 година. Проценетата цена на фудбалерот е околу 20 милиони евра.
