Најдобриот светски тенисер Новак Ѓоковиќ се пласира во третото коло на Австралија опен откако денеска го совлада домашниот претставник Алексеј Попирин со 3:1 во сетови 6:3, 4:6, 7:6, 6:3.
Во првиот сет Новак беше незапирлив и лесно го доби, а во вториот се разбуди Попирин и возврати со неколку одлични удари но и ги искористи грешките на српскиот тенисер. Во третиот сет се играше изедначено, се играше гем за гем, Попирин доаѓаше до предност, а Србинот изедначуваше. Австралиецот имаше 6:5, Новак изедначи и се отиде во тај-брејк каде што најдобриот светски тенисер заблеска и дојде до освојување на третиот сет.
Во четвртиот Ѓоковиќ набрзина направи предност, дојде до 5:2, во меѓувреме Попирин намали, но српскиот ас сервираше до конечна победа.
Во третото коло Ѓоковиќ ќе игра со Етчевери од Аргентина.
Во следното коло ќе се соочат Манарино-Шелтон, Фриц-Маросан, Ван Аше-Циципас, Синер-Баез, Махач-Хачанов, Де Минаур-Коболи, Корда-Рублев…
