Антонио Илиески е уште едно ново засилување за екипата на Воска Спорт. Како што објавија денеска од клубот, тој доаѓа во Охрид од екипата на Фљамуртари од албанскиот шампионат.
Претходно Илиески беше дел и од екипата на Кукс. Во Македонија, тој го носеше дресот на Ренова, а играше и за Гостивар, Еуромилк, Македонија Ѓ.П, Тиквеш и Кораб.
27-годишниот Илиески ќе биде засилување за централната бековска позиција на охриѓани.