Во премногу неизвесен натпревар ракометарите на Автрија стигнаа до нова сензација на ЕП во Германија каде попладнево ја најдоа добитната формула за составот на Унгарија кој го доживеа првиот пораз.
Никола Билик е човекот а одлука кој со „бомба“ на 20 секунди пред крајот го постигна победоносниот гол за својот состав, кој покасно успеа да го запре последниот напад на Унгарците. Токму човекот на одлука со 8 голови беше најдобриот стрелец на средбата, иако херојот на Австрија е голманот Константин Местл кој правеше чуда во моментите кога се кршеше резултатот.
Унгарија добро го почна дуелот, имаше во првиот дел константно водство но противникот со напад „7 на 6“, успеа да се врати во резултатска неизвесност и за ефективни 17:17 по првио дел. Во вторите 30 минути периодични промени на водството и добри одбрани на двете страни.
Австријците имаа повеќе трпение, и повеќе среќа во последните секунди кога се кршеше натпреварот. До труимфот дојдоа со играч помалку, а Унгарија немаше идеја како да се спаси од првиот пораз.
Бајката на Австрија на ЕП се уште трае и овој состав на селекторот Пајовиќ со 3 бода влегува во следните дуели во групаа каде ги чекаат дуели со Германија, Франција и Исланд.
На овој меч покрај Билик меѓу најдобрите стрелци беа Вебер и Хутичек со 6 голови и пикерот Вагнер со 4 погодоци. Кај Унгарија Лекај, Анчин, Банхиди и Рошта дадоа по 4 погодоци.