Уште еден шампион и се приклучи на Воска Спорт во зимскиот преоден рок. Абдулхади Јахја доаѓа од редовите на Струга Трим Лум и се работи за фудбалер кој има преку 100 настапи во Првата македонска лига исто така има и осум натпревари во европските купови.
Тој играше за младинскиот тим на Вардар, потоа во ФК Шкупи, а пет години го носеше дресот на Струга. Игра на позиција лево или десно крило.
Тимот од Охрид претходно ги потврди Илиески, Захов и Ардит Иљази.
