Ѕвездата на ПСЖ, Килијан Мбапе призна дека не ја знае со сигурност неговата плата во клубот, но сепак е цврсто убеден дека ја заслужува. Во интервју за Envoye Special, 25-годишниот напаѓач исто така истакна дека парите не се најважното нешто во фудбалот.
“Велат дека заработувам 100 милиони евра годишно? Не е важно колкава е сумата. Да бидам искрен, не знам сигурно. Мислам дека е блиску до тоа, но не е најважно. Луѓето не знаат што се случува во фудбалот, како заработуваме. Кога се појавува толкава сума, тоа ги тера луѓето да зборуваат и реагираат. Но, јас немам проблем со тоа. Јас ги заслужувам парите што ги заработувам, не сум ги украл од никого “, коментираше францускиот интернационалец.
Актуелниот договор на Мбапе со ПСЖ истекува на крајот од актуелната сезона, а клубот веќе направи обид да го задржи фудбалерот, нудејќи му договор вреден 400 милиони евра.
